კბილების ფტორირება

რატომ სჭირდებათ პატარებს კბილების ფტორირება?

პატარა კიჭუნების მინანქარი არ არის საკმარისად მინერალიზირებული და ძლიერი. ამიტომ მისი დაზიანება საკვებში შემავალი მჟავა ნივთიერებებით გაცილებით მარტივია, ვიდრე უფროსებში. პატარას კბილების მინერალიზაცია გრძელდება, დაახლოებით, 2 წლამდე. ამ პერიოდში კბილები საჭიროებენ დამატებით დაცვას. 

ფტორი აქტიურ მონაწილეობას იღებს კბილების მინერალიზაციაში. ფტორის დეფიციტი წყალსა და საკვებში კარიესის სწრაფი განვითარების მიზეზია. ფტორირება კი იცავს და მინერალებით ავსებს პატარას კბილებს ადრეული ასაკიდანვე.
კარიესის თავიდან ასაცილებლად აუცილებელია პატარებს დროულად ჩაუტარდეთ კბილების ფტორირება.
სარძევე კბილების ფტორირება შესაძლოა გაგრძელდეს 2 წლის შემდეგაც ექიმის რეკომენდაციის შემთხვევაში.

ფტორირებას ასრულებს ექიმი-სტომატოლოგი, ჩვენებებისა და კონკრეტულად შედგენილი გეგმის მიხედვით.

მოზარდებში, როცა ბავშვის ჰორმონული ფონი იცვლება, იზრდება ნერწყვის სიბლანტე, რაც თავის მხრივ ამცირებს ნერწყვის უნარს ეფექტურად გაწმინდოს პირის ღრუ და კბილების მინანქარი. ამ ასაკში იკლებს მშობლების ყურადღება და ჩართულობაც მოზარდის პირად ჰიგიენასთან დაკავშირებით. ამიტომ, მინანქარის მდგომარეობის შესამოწმებლად, სტომატოლოგთან პერიოდული ვიზიტები აუცილებელია.

დაკავშნეთ ვიზიტი ონლაინ ან დაგვიკავშირდით ნომერზე (032) 2322227.